أرشيف المدونة الإلكترونية
كل سنة بيوافق رأس السنة عيد ميلادي ولا مرة حد أفتكره وقالي كل سنة وانتي طيبة يا-- كل اللي بيهني بيهني علي السنة الجديدة وساعات محدش يعبرني لا في جديدة ولا قديمة تعبت من التهاون في حقي المشروع وأعلان وجودي كلهم حوليا شايفني ماليش لازمة لكن أنا شايفة أن لولا وجودي وسطيهم كانت حاجات كتير بقت أسوء مش مهم رأيهم فيا الصراحة مبهتمش كتير بيه لأني واثقة بقدرتي وأفكاري عن نفسي وعارفة أنا عندي طاقة وقدرة عاليه جدا من الابداعحصلي صحيح هزات كتيرة وقعتني أكتر من ستين مرة لكن بقوم كل مرة مبستسلمش وافضل مكاني بعافر في بحر من الرمال المتحركة عشن اطلع ايا كان الطلوع مليان كسور وجروح بس بطلع السنادي عندي خوف وامل وافكار واحلام حاسة اني هحققها يمكن كلها الله يعلم يمكن نصها يمكن علي الاقل حاجة من مليون الحاجات اللي بتمناها نظرية تآمر الكون ضدي خلاص بقت واضحة ههههههههههه الحقيقة الكون كان ضدي من لحظة ميلادي يوم ما أتولدت قالوا دي ضعيفة مش هتعيش بس طلعت بنت جنية وقلبي صحيح صغير ونبضه ضعيف الا انه صمد لحد ما صحصحت لمؤامرة الكون ضدي وقومت ومشيت وجريت وانطلقت ولسه بعافر وبأجري من يومها خايفة استريح قلبي يبطل نبض ويحس انو اتحمل كتير ويفكر انو يرتاح ويريحني جنبه بيصعب عليا والله من كتر ما بعبيه بمشاكلي بس هعمل ايه منا ماليش غيرهفي ناس مفكرة انها لما تلبس وتتغندر وتتبختر والناس تشوفها تمدح فيها انو كده خلاص بقي القديس بركليز ولا سنتا كلوز ليلة الكريسماس يااااااعم الحج اهدي حبة احياة ابوك مش ناقصه هي عجب يمكن كلامي مش مفهوم دا لاني كنت مخنوقة جدا فبكتب اللي بيجي علي بالي وبصرخ علي السطور ولية ربنا من الأول مخلناش جوا طلعنا بره للغبار والصدام والهم ليه مكنا في الوجود المطلق ذرة في بحر العدم كيانات لا مادية متعرفش يعني ايه غني ويعني ايه فقير يعني ايه متعلم وجاهل يعني ايه اللي يحكم مصر كل مرة في اخر مرة يطلع كافر يعني ايه شيخ ضلالي ويعني ايه مولود ما اتولد يعني ايه بنت هتعاكس ولد وشايب يغلب الشبان في قلة أدب وحاجات كتير كتير مالهاش عدد اللي ماتوا اهم ارتاحوا واللي لسه اهو بيحاولوا يلحقوا اي فرصة ساعات اقول لو الكرة الارضية تقف لحظة تنزلني بس هنا علي اي حتة في الفضا وافضل بقي الف الف الف الف لما احس اني دوخت اريح علي القمر هههههههه تعبنا والله كلنا مسلمين ومسيحين حتي اليهودي كفر والعجيب انو لسه في أمل بس أمل مبيجيش ساعات شكلوا انصدم من كثراللي منتظرينه هيلاحق مين ولا مين ولا مين هيدي باليمين والشمال بردوا مش خالصين ومحتاجين....الي اللقاء في رسالة جديدة يمكن نفسيا نكون احسن نتكلم كلام موزون
 |
| Happy new year |
كان ياما كان ودي حكاية بقلها زمان وزمان ولحد الآن بنحكيها ولحد الآن عايشين فيها ومهما يلف الزمن ويدور هو هو السيناريو المسطور دي شبه وحلوه وقهرها الحب ودا جدع شجاع وأسره الفقر ودا طماع ودا نصاب ودا كذاب ودا تعبان ودا سحلاب ودا فار ودا غلبان ودا جعان ودا أناني ودا وداني ودا ودا ودا وكتير من دا ودا
الطفل بيتولد شايب والشايب عليه مبنعايب زي ما يكون الناس ملت من النشيد والوعيد لا عاد رصاص بيرهبهم ولا قانون يلزمهم كله طايح في كله حتي بقلب البيت اصبح اهمال ما بيسألوا مين عطشان ولامين طفح كله بيجري بيجري بيجري وكأنهم خايفين من نهاية الأجل
ادا الشيخ الفلاني العلاني اللي كان بالأمس مالي كل المعاني أصبح بين يوم وليلة راجل زاني وبكل بجاحة يقول الم تنهاكم صلاتكم ياعم روح اتلهي وانتوا بأي دين بتصلولوا وتفعلوا ما لم تنهاكم عنه صلاتكم ولا انتوا واخدين الجرين كارد من ربنا لدخول الجنة
ودا قيسيس خسيس مسيس لحوايس لاحويس بياخد الأطفال يغتصبهم ويهددهم أنو هيقول للرب أي رب يا أبن.... ماعلينا ودا اعلامي ملمع ومتأمع يغمض عين ويفتح عين وكلامه مرهم ولسانه في حب مصر وتركيا
اي كرباااج ياولا ياولا ومن تحت الطرابيزة قابض ومتكلين ويطلع علينا يأفور ويحنن الله ياخدكو أعلام ساقط كله مساقط ومساطب بتاجروا فينا وبينا علي حساب مين أوعوا تقولوا مصر
مصر خلاص راحت لأصحاب نصيبها والشعب الغلبان مفكر نفسه منها وبيآوح ويقول بلدي بلدي كتير من ولادها راحو اللي راح قتيل برصاص خاين واللي راح غريق في البحر عايم واللي راح مرجعش واللي راح مسمعش واللي واللي واللي وللللللوللللللولي لما بيتفرموا في بلا د الخليج وبيبقوا شبه العبيد عبيد القرش ولقمة عيش
لقمة العيش بتذل أوعي تصدق أن عرق الجبين دا بيوكل عيش لالالالالالا دا كان أيام سعد باشا زغلول رفاعة الطهطاوي مصطفي باشا كامل هههههههه اللي هو بتاع لاحياة مع اليأس ولا يأس مع الحياة وكأنه كان فرحان أنو قالها بالشقلوب دلوقتي بقوا بيقلولك لايأس مع اليأس ولا يأس طول ما الأنترنت شغال ايييييوا زيمبئولك كده دلوقتي كل الناس بقت مش فاضية أصلا أحنا في عصر الأنترنت مش شايف عماله قاعده اتكتك علي اللآلة أهو وابدع هههههه صلوا علي النبي صلوا الفاتحة ياشعب علي عم صالح
آه عم صالح دا كان تاجر أراري وشاطر السوسة ميعديهاش من تحت ايده الا لما تدفع حق ما نخرته في حباية الفول كان دكانه دا زي مثلا مول ألفا كده بس علي صغير من الأبرة للصارووخ أه والله أمشاط وفليات تلاقي أبر بابور اللي عفا عليها الزمن تلاقي أي كمان كله كله كان شامل وكان حريص أوي أبتدي أصله صبي بدكان وواحدة واحده عمل هو له دكان كان كل حياته ولما كبر بالسن وولاده بقوا دكاترة ومهندسين قالوله كفايا بقي اقعد في البيت ياحج وأرتاح وبيع الدكان قالهم عمري دا هو كل عمري خد شبابي وفرحتي سمع أنيني وشاف دمعتي ابدا مفرطش فيه ولاده قالوا لا بقي عنبيعوه بالعافيه واقعد ارتاح ميصحش ولادك ومراكزهم دلوقت متسمحش انو يبقي ابوهم بياع ونسيو أنو روحوا فيه لو باعوه يبقي قضوا عليه وقد كان جه المشتري دفع وقبضوا معداش كام يوم الا وعم صالح اتشل ونام وخلاص انتهي انا بقول تلاقيه من كتر حبه فيه لما جه يندفن راح بنعشه للمرة الأخيرة يودعه ومن يومها دكانه مضلم معدش له روح مجرد جدران رغم أنو مفتوح وفيه ناس تانية الا انو حزن ومات مع صاحبه وضاع
زي ما بتضيع منا لحظاتنا الحلوة وعمرنا علي ناس مبتقدرش ولا تستاهل منا كلمة عطف ولله الأمر
الفاتحة علي روح كل شهيد .
